.::||[ آخر المشاركات ]||::.
نتائج مباريات دوري أبطال أوروب... [ الكاتب : اشرف فزع - آخر الردود : اشرف فزع - عدد الردود : 0 - عدد المشاهدات : 39 ]       »     جبريل الفضيل يكتب - نهضة كردفا... [ الكاتب : البشرى مكي - آخر الردود : البشرى مكي - عدد الردود : 0 - عدد المشاهدات : 70 ]       »     لغز ابرهيم الشيخ [ الكاتب : البشرى مكي - آخر الردود : البشرى مكي - عدد الردود : 0 - عدد المشاهدات : 43 ]       »     مصادر إخوانية : عدد المبعدين 2... [ الكاتب : البشرى مكي - آخر الردود : البشرى مكي - عدد الردود : 0 - عدد المشاهدات : 62 ]       »     شروط عربية للاستثمار فى السودا... [ الكاتب : البشرى مكي - آخر الردود : البشرى مكي - عدد الردود : 0 - عدد المشاهدات : 82 ]       »     ليفربول المهزوز يسقط على ملعبه... [ الكاتب : اشرف فزع - آخر الردود : اشرف فزع - عدد الردود : 0 - عدد المشاهدات : 63 ]       »     مانشستر سيتي يضاعف محنة أرسنال... [ الكاتب : اشرف فزع - آخر الردود : اشرف فزع - عدد الردود : 0 - عدد المشاهدات : 46 ]       »     كوستا يحرز هاتريك ويقود تشيلسي... [ الكاتب : اشرف فزع - آخر الردود : اشرف فزع - عدد الردود : 0 - عدد المشاهدات : 44 ]       »     الزعيم ابراهيم الشيخ الى ساحات... [ الكاتب : البشرى مكي - آخر الردود : البشرى مكي - عدد الردود : 0 - عدد المشاهدات : 56 ]       »     الوطني يعقد مؤتمره العام بشمال... [ الكاتب : البشرى مكي - آخر الردود : البشرى مكي - عدد الردود : 0 - عدد المشاهدات : 69 ]       »    



الإهداءات


العودة   منتديات كردفان > منتديات كردفان الغد العامة > قضايا كردفانية بين السياسة والأخبار
قضايا كردفانية بين السياسة والأخبار اللهم أرحم عبدك البحيراوي وأغفر له.


قصيدة / قول داير كم ؟ للشاعر الاستاذ / محمد الحسن ابنعوف ..

قضايا كردفانية بين السياسة والأخبار


إضافة رد
قديم 27-05-2013, 10:37 AM رقم المشاركة : 1
معلومات العضو
البشرى مكي
كردفاني مميز
 
الصورة الرمزية البشرى مكي
إحصائية العضو






  التقييم

البشرى مكي غير متواجد حالياً

 


المنتدى : قضايا كردفانية بين السياسة والأخبار
افتراضي قصيدة / قول داير كم ؟ للشاعر الاستاذ / محمد الحسن ابنعوف ..


قصيدة / قول داير كم ؟
للشاعر الاستاذ / محمد الحسن ابنعوف ..
********************************************



قول داير كم

من الاخر كده جاهزين

ندفع ليك عشان تنطم ..

قول داير كم

لساتك شاب

والفقر عذاب

فى البنك الخزنه

وفى الدولاب ..

قول ما تهتم

قول داير كم ؟؟

عربيه وبيت

بت ناس نديك

مشروع يغنيك

عن شيلة الهم ..

اتكلم قول

قول داير كم ؟؟

قول داير كم

مالك بالطير

وحقوق الغير

اسمعنا اخير

قبالك كم

من سيف بتار

سينالو جفير ..

ديل شعب وهم ..

قول داير كم ؟؟

منصب نديك

والدنيا تجيك

لا تنبح ساى

زى نبحى الديك

وحنحلف ليك

بالستره قسم ..

قول داير كم ؟؟

وانا دير كم ؟؟

انا دير كم ..

الدايرو كتييييير

علشان انطم ..

قول يا ستار

يا اولاد الدرهم والدينار ..

انا ما ود رشوة

ولا ود شين

انا ما ود عار ..

انا ود الدنقر والدلوكه

ود النوبه وود الطار ..

انا ود البرزم

فى الضحويه

وساعة العركة

مخلف وحااااار ..

انا ود السيف

الهبرو شليه ..

انا ود السوط

البقلى قليه ..

ود البكلح

فى الضهار ..

ود العز الما سمعتوبو

ود الشعب البقدح نار ..

انا داير كم ؟؟

انا داير شعب

يثور ويصارع ..

انا داير امه

تعبى الشارع ..

عشان الفضّل

ما ينهار ..

انا داير
رد مع اقتباس
قديم 27-05-2013, 10:42 AM رقم المشاركة : 2
معلومات العضو
البشرى مكي
كردفاني مميز
 
الصورة الرمزية البشرى مكي
إحصائية العضو






  التقييم

البشرى مكي غير متواجد حالياً

 


كاتب الموضوع : البشرى مكي المنتدى : قضايا كردفانية بين السياسة والأخبار
افتراضي رد: قصيدة / قول داير كم ؟ للشاعر الاستاذ / محمد الحسن ابنعوف ..


مال الشارع الغربى

وناس خط هيثرو

ومشروع سندس

واب كرشولا

الراحت سنبله

بين القائد والتجار ..

انا داير تار

وقبيل ود كار

انا داير تار ..

تار الماتن

فى المستشفى

عشان القسطره

ما مجان ..

تار الهاجر

قفى عقابو

عشان لا واسطه

ولا سلطان ..

تار الخلا المدرسه

شااااااطر

شان ما يربى

تمانيه اخوان ..

تار النخل

القلد المويه

عشان وطاتو

تكون خزان ..

والخزان

بقى ما خزان ..

تار ام دوم

وحلايب تارى

ام روابه

وتار قيسان ..

تار الشهدا

الدم الطاهر

دم القسمك

يا سودان ..

تار الصمغ

العربى الثروه

تار السكر

والاقطان ..

تار الترعه

وتار الجدول

تار الصحرا

وتار الغابه

تار المشنقه

والميدان ..

تار البلد

الكلو حرابه

وكل واطاتو

تبق نيران ..

تار الجامع

وتار الخلوه

تار الشفع

والنسوان ..

تار لمتنا على الصينيه

وتار المضيفه والديوان ..

كده داير كم

حق ديل بى كم ؟؟؟

قول يا ود خيرى اتكلم قول

يا محمد اخوى انا داير كم ؟؟

انا داير كم ؟؟

انا داير عز

لى وطن العز

ممهور بالدم ..

وعداله تخوجل

بين الناس

حفيره

ودونكى وتايه

ومنبر نم ..
رد مع اقتباس
قديم 27-05-2013, 10:42 AM رقم المشاركة : 3
معلومات العضو
البشرى مكي
كردفاني مميز
 
الصورة الرمزية البشرى مكي
إحصائية العضو






  التقييم

البشرى مكي غير متواجد حالياً

 


كاتب الموضوع : البشرى مكي المنتدى : قضايا كردفانية بين السياسة والأخبار
افتراضي رد: قصيدة / قول داير كم ؟ للشاعر الاستاذ / محمد الحسن ابنعوف ..


انا داير كم

انا داير مدرسه للاطفال ..

ومصانع تنبح للعمال ..

تيراب وتركتر للتربال ..

انا جيش جبااااار واصم ..

انا داير مجلس للنواب

مجلس حاساب

ووزير بفهم ..

انا داير مسكن للطلاب

انا داير قاعه ودفتر ولاب ..

شوووف ديل

بى كم ؟؟

انا داير كم

حنجيب قانون

احكم بالعدل ..

العين بالعين

والسن بالسن

والدم بالدم ..

لو لازم دم

انا داير دم !!

..

.

قصيدة / قول داير كم ؟

للشاعر الاستاذ / محمد الحسن ابنعوف ..
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin® Version 3.8.7
Copyright ©2000 - 2014, vBulletin Solutions, Inc.
vEhdaa 1.1 by NLP ©2009